Хатгал тосгоны ЗДТГ-ын албан хаагч нарт Жендэрийн үндэсний хорооны ажлын албаны Эрэгтэйчүүдийн хөгжлийн асуудал хариуцсан мэргэжилтэн Д.Батхишиг, Монгол Улсын Ерөнхий сайдын 2024 оны 71 дүгээр захирамжаар батлагдсан “Эрэгтэй, эмэгтэй хүний дундаж наслалтын зөрүүг багасгах талаар авч хэрэгжүүлэх арга хэмжээний төлөвлөгөө /2024-2027/-г цахимаар таницууллаа. 

Тухайлбал эрэгтэйчүүдийн дундаж наслалтыг нэмэгдүүлэхийн тулд эрт илрүүлгийн эрүүл мэндийн үзлэг, аян эхлүүлэх, 0-17 насныхан болон малчин эрэгтэйчүүдийн эрүүл мэндийн боловсролд түлхүү анхаарах, эрэгтэйчүүд рүү чиглэсэн сургалт, мэдээллийн ажлыг зохион байгуулах, стрессгүй гэр бүл, хамт олон болох төлөвлөгөөт ажил зохион байгуулах зэргээр 2024-2027 онд хэрэгжүүлэх төлөвлөгөөний талаар ярилцаж, санал бодлоо солилцлоо.